現下个國中學生,問佢兜大了想愛做麼个?
有兜人會回答:「𠊎想愛做電競選手!」
因為這下有兜後生人个休閒活動,就係長透在屋下打電腦、搞電子遊戲。
像恁樣做得逐日在屋下搞,還做得准一份賺錢个頭路,實在講係當餳人。
毋過,有兜大人聽著,總會搖頭講:
「看恁久个電腦,目珠敢毋會搞壞忒?」「課業愛仰結煞?」
「打電腦正經做得賺錢?」「搞電動乜安到頭路?」「天年各變了!天年各變了!」
有一擺,一個老阿伯同𠊎講:
「你看這下後生人著个衫褲還生趣哪!長長短短又爛爛擐擐,實在哦!
頭擺人係恁樣著,會分人笑死,話著係哪位來个乞食仔!」
𠊎聽著笑等講:
「這位先生!這下恁樣著盡時行哦,係安到『多層次』个著法!
俚毋好跈毋著時代哦!像你兜講个——天年各變囉!天年各變囉!」
有一日,倈仔揇等一條細狗子跈𠊎轉外家,𠊎爸一看著就講:
「狗仔毋好揇落屋肚,分佢在禾埕尞!」
𠊎煞煞講:
「阿爸,𠊎个狗仔洗當淨,還長透摎細人仔共下睡,毋會屙糟啦!」
又看𠊎拿出牛肉、豬肝罐頭來分狗仔食,
佢愐毋解,仰般狗仔毋係食伸飯伸菜、畜來掌屋个。
恁堵好,大家出去尞个時節,
看著一個人𢱤等嬰兒仔車,頂背坐个嗄係一條細狗子,
吾爸敨一口氣講:
「狗仔上眠床頂睡,狗仔食到比人好,還做得坐嬰兒仔車,天年各變了!天年各變了!」
定下心想,頭擺認為好个事情,到這下可能會有變化,
有兜變化確實係進步、係潮流。毋過,乜毋係所有个變化就定著較好。
哪兜愛保留,哪兜愛改變,各人心肝肚愛有一支尺,正毋會迷失忒本性。
3
因為這下有兜後生人个休閒活動,就係長透在屋下打電腦、搞電子遊戲。
4
像恁樣做得逐日在屋下搞,還做得准一份賺錢个頭路,實在講係當餳人。
6
「看恁久个電腦,目珠敢毋會搞壞忒?」「課業愛仰結煞?」
7
「打電腦正經做得賺錢?」「搞電動乜安到頭路?」「天年各變了!天年各變了!」
9
「你看這下後生人著个衫褲還生趣哪!長長短短又爛爛擐擐,實在哦!
10
頭擺人係恁樣著,會分人笑死,話著係哪位來个乞食仔!」
12
「這位先生!這下恁樣著盡時行哦,係安到『多層次』个著法!
13
俚毋好跈毋著時代哦!像你兜講个——天年各變囉!天年各變囉!」
14
有一日,倈仔揇等一條細狗子跈𠊎轉外家,𠊎爸一看著就講:
17
「阿爸,𠊎个狗仔洗當淨,還長透摎細人仔共下睡,毋會屙糟啦!」
19
佢愐毋解,仰般狗仔毋係食伸飯伸菜、畜來掌屋个。
21
看著一個人𢱤等嬰兒仔車,頂背坐个嗄係一條細狗子,
23
「狗仔上眠床頂睡,狗仔食到比人好,還做得坐嬰兒仔車,天年各變了!天年各變了!」
24
定下心想,頭擺認為好个事情,到這下可能會有變化,
25
有兜變化確實係進步、係潮流。毋過,乜毋係所有个變化就定著較好。
26
哪兜愛保留,哪兜愛改變,各人心肝肚愛有一支尺,正毋會迷失忒本性。