書珊愛行嫁
學習活動三
/
（一）課文練習一
可選擇「整課模式」及「逐句模式」瀏覽，並提供音檔聆聽;
點擊課文內藍字可查看語詞拼音、釋義。
（在教室裡肚，先生放一隻婚禮个影片分學生仔看，看忒過後大家共下討論。）
先生：同學講看啊，對影片裡肚看著麼个？
美華：新娘係外國人，新娘公乜係。
安達：該兜外國人扛新娘轎看起來盡生趣哦！
正言：看著人打紙炮仔，𠊎个手癢癢，乜想愛搞！
先生：做麼个外國人愛著頭擺个新娘衫？
美華：𠊎知，新娘書珊係在臺灣出世个客人子弟，厥爸係德國人，
雖然書珊生到像外國人，毋過佢有客家魂。
書珊從細在客家莊長大，故所想用客家古禮行嫁。
新娘公係英國人，厥屋下人同朋友䟓工來參加婚禮。
先生：仰有恁多人跈等新娘轎行呢？
安達：𠊎知，頭擺个新娘行嫁愛坐轎仔，討親團裡肚有客家八音同吹笛仔，
還愛打紙炮仔，係同人講，新娘係大行大嫁个。
正言：先生，客家八音係麼个？還鬧熱哦！
先生：八音係客人當有特色个音樂文化，
見擺有做鬧熱同好壞事，愛有八音演奏正算圓滿。
正言：新娘仰愛擲扇仔同過火爐呢？
美華：𠊎識聽吾婆講，
擲扇仔係攉忒舊个壞習慣，乜講新娘同外家親情毋會散忒。
過火爐會帶分夫家財丁兩旺。
先生：美華當慶，講著盡詳細。
美華：書珊兩公婆對客家文化盡有熱情呢！
先生：係啊！為著辦婚禮無閒洎杈个親戚朋友乜盡用心！
安達：講了恁多，𠊎看著恁豐沛个菜就緊流口涎水了。
正言：看起來鹹菜乾爌肉特別餳該兜外國人，佢兜食到盡暢。
先生：書珊个婚禮毋單淨係認同客家精神，也係傳揚客家文化。
美華：𠊎乜愛想看啊，未來愛有仰般个婚禮呢？
1
（在教室裡肚，先生放一隻婚禮个影片分學生仔看，看忒過後大家共下討論。）
2
先生：同學講看啊，對影片裡肚看著麼个？
3
美華：新娘係外國人，新娘公乜係。
4
安達：該兜外國人扛新娘轎看起來盡生趣哦！
5
正言：看著人打紙炮仔，𠊎个手癢癢，乜想愛搞！
6
先生：做麼个外國人愛著頭擺个新娘衫？
7
美華：𠊎知，新娘書珊係在臺灣出世个客人子弟，厥爸係德國人，
8
雖然書珊生到像外國人，毋過佢有客家魂。
9
書珊從細在客家莊長大，故所想用客家古禮行嫁。
10
新娘公係英國人，厥屋下人同朋友䟓工來參加婚禮。
11
先生：仰有恁多人跈等新娘轎行呢？
12
安達：𠊎知，頭擺个新娘行嫁愛坐轎仔，討親團裡肚有客家八音同吹笛仔，
13
還愛打紙炮仔，係同人講，新娘係大行大嫁个。
14
正言：先生，客家八音係麼个？還鬧熱哦！
15
先生：八音係客人當有特色个音樂文化，
16
見擺有做鬧熱同好壞事，愛有八音演奏正算圓滿。
17
正言：新娘仰愛擲扇仔同過火爐呢？
18
美華：𠊎識聽吾婆講，
19
擲扇仔係攉忒舊个壞習慣，乜講新娘同外家親情毋會散忒。
20
過火爐會帶分夫家財丁兩旺。
21
先生：美華當慶，講著盡詳細。
22
美華：書珊兩公婆對客家文化盡有熱情呢！
23
先生：係啊！為著辦婚禮無閒洎杈个親戚朋友乜盡用心！
24
安達：講了恁多，𠊎看著恁豐沛个菜就緊流口涎水了。
25
正言：看起來鹹菜乾爌肉特別餳該兜外國人，佢兜食到盡暢。
26
先生：書珊个婚禮毋單淨係認同客家精神，也係傳揚客家文化。
27
美華：𠊎乜愛想看啊，未來愛有仰般个婚禮呢？
反白課文內字詞查詢意義
資料提供
發音
意義
衍伸詞
學習活動三
/
（二）課文練習二–1
以拖曳或點擊方式選出正確答案。
客家人會在哪兜場合打八音？（複選）
請將符合的選項放進來
廟會、慶典
婚喪喜慶
音樂比賽
學習活動三
/
（二）課文練習二–2
以拖曳或點擊方式選出正確答案。
下背哪兜情形會「無閒洎杈」？（複選）
請將符合的選項放進來
準備婚禮
準備打粄
準備過年
準備睡目
準備看電視
學習活動三
/
（二）課文練習二–3
以拖曳或點擊方式選出正確答案。
下背哪兜表現係認同客家精神？（複選）
請將符合的選項放進來
講客家話
愛物惜物
敬老惜幼
參加客家活動
遶山花
齧察
學習活動三
/
（二）課文練習二–4
依題目進行討論
傳統婚禮新娘擲扇仔代表擲忒壞習慣，對恁樣个習俗，你有麼个看法？
( 自由發揮 )
假使你係書珊，你會想舉行仰般个婚禮？係麼个原因？
( 自由發揮 )
學習活動三
/
（三）課文練習三
下背个婚禮儀式摎習俗肚，哪兜係𠊎兜國家傳統个禮俗？
【YES】
請將符合的選項放進來
【NO】
請將符合的選項放進來
新娘著紅色个新娘衫
擲扇仔、潑水
拜阿公婆
新娘過火爐
包紅包
新娘著白紗新娘衫
擲新娘花
神前宣誓
切雞卵糕
收禮物
學習活動三
/
（一）認識語詞
䟓工
專程。
跈等
跟隨。
擲
擲。
識
曾經。
攉忒
丟棄。
慶
指才能出眾，辦事能力強。
無閒洎杈
忙碌不堪。
學習活動三
/
（二）熟練語詞
於下拉選單選擇練習內容並點擊「開始遊戲」;
聆聽音檔後，點選對應語詞的三角符號以完成作答。
▲
◀
▶
▼
恭喜你找到正確的方向脫離迷航！
學習活動三
/
（一）句型學習
聆聽音檔後，點選對應選項以完成作答。
句型：雖然（ ），毋過（ ），故所（ ）。
雖然
請將符合的選項放進來
，毋過
請將符合的選項放進來
，故所
請將符合的選項放進來
。
書珊生到像外國人
佢有客家魂
想用客家古禮行嫁
天時係烏陰天
東西全準備好了
露營个計畫無改變
雖然
請將符合的選項放進來
，毋過
請將符合的選項放進來
，故所
請將符合的選項放進來
。
書珊生到像外國人
佢有客家魂
想用客家古禮行嫁
天時係烏陰天
東西全準備好了
露營个計畫無改變
學習活動三
/
（二）句型學習
聆聽音檔後，點選對應選項以完成作答。
句型：（ ）愛有（ ）正算（ ）。
請將符合的選項放進來
愛有
請將符合的選項放進來
正算
請將符合的選項放進來
。
祭典同婚喪喜慶
八音演奏
圓滿
學校个成績單
先生撍印仔
正式文件
請將符合的選項放進來
愛有
請將符合的選項放進來
正算
請將符合的選項放進來
。
祭典同婚喪喜慶
八音演奏
圓滿
學校个成績單
先生撍印仔
正式文件
學習活動三
/
四、客華對譯
第1句
擲扇仔係攉忒舊个壞習慣，乜講新娘同外家親情毋會散忒。
第2句
為著辦婚禮無閒洎杈个親戚朋友盡登真喔。
學習活動三
/
五、短文寫作
試做一篇客語短文，並將文字輸入於下方欄位。
想看啊未來想愛有仰般个婚禮，利用本課文語詞摎句型完成寫作。
關鍵字
搞
客家八音
吹笛仔
大行大嫁
財丁兩旺
豐沛
無閒洎杈
學習活動三
/
總結活動一
學習活動三
/
總結活動二
學習活動三
/
總結活動三
學習活動三
/
總結活動四
1
/
1