世界變了,人類个文明帶來生活个利便;毋過,乜帶來了大災難。
氣候變遷這頭猛獸,今這下斯斡頭來愛食忒𫣆俚。
恁多年來,臺灣个天時多變,無像頭擺四季分明。尤其這幾年大家个感受定著還較深。
比論講:冷天,無像頭擺冷到激激顫;熱天,嗄變到熱𤐰𤐰仔。
還過該當愛落水个季節,毋係燥絲絲無落半滴水,無斯一下水像用倒个,
水排毋出去嗄造成做大水……。
恁樣个影響,對看天食飯个耕種人來講影響當大。
戴在雲林讀高中二年生个德祥,在做學校小論文專題該下,
發現著除了農業,氣候變遷對漁業个影響乜嶄蠻大。
斯想愛做雲林口湖地區,受著氣候變遷影響生活个研究。
佢發現原在靠魚塭(仔)食飯个口湖地區,在氣候變遷个影響下,慢慢仔變做溼地。
雖然係對漁業有兜損失,顛倒為當地帶來新个發展──觀光。
溼地變做新个藝術地景,餳了當多遊客來參觀,促進了當地个觀光產業發展。
雖然魚塭(仔)為漁民帶來豐湧个收入,毋過乜因為抽忒多地下水,嗄造成地層漯落去。
故所,魚塭(仔)變濕地恁樣个改變,其實乜毋會毋好,重點係愛仰般提防環境再受著破壞。
針對這議題,有人提出建議:
「節能減碳對自家開始做起,盡量自家帶水壺裝水,減少單淨用一擺就攉忒个東西」。
乜有人認為做得推廣再生能源。
還有人試著:「愛加強氣候變遷个教育摎宣傳,分還較多人參與環保行動」。
為地球个未來盡一份力!你,準備好吂?
1
世界變了,人類个文明帶來生活个利便;毋過,乜帶來了大災難。
3
恁多年來,臺灣个天時多變,無像頭擺四季分明。尤其這幾年大家个感受定著還較深。
4
比論講:冷天,無像頭擺冷到激激顫;熱天,嗄變到熱𤐰𤐰仔。
5
還過該當愛落水个季節,毋係燥絲絲無落半滴水,無斯一下水像用倒个,
8
戴在雲林讀高中二年生个德祥,在做學校小論文專題該下,
9
發現著除了農業,氣候變遷對漁業个影響乜嶄蠻大。
10
斯想愛做雲林口湖地區,受著氣候變遷影響生活个研究。
11
佢發現原在靠魚塭(仔)食飯个口湖地區,在氣候變遷个影響下,慢慢仔變做溼地。
12
雖然係對漁業有兜損失,顛倒為當地帶來新个發展──觀光。
13
溼地變做新个藝術地景,餳了當多遊客來參觀,促進了當地个觀光產業發展。
14
雖然魚塭(仔)為漁民帶來豐湧个收入,毋過乜因為抽忒多地下水,嗄造成地層漯落去。
15
故所,魚塭(仔)變濕地恁樣个改變,其實乜毋會毋好,重點係愛仰般提防環境再受著破壞。
17
「節能減碳對自家開始做起,盡量自家帶水壺裝水,減少單淨用一擺就攉忒个東西」。
19
還有人試著:「愛加強氣候變遷个教育摎宣傳,分還較多人參與環保行動」。