(1)觀察
(2)反思
(3)計畫
(4)行動
詩意河壩
回到選修學分4
學習活動三
/
（一）客文欣賞
可選擇「整課模式」及「逐句模式」瀏覽，並提供音檔聆聽;
點擊課文內藍字可查看語詞拼音、釋義。
該條鏡鮮个河壩，識流過先輩个年代，毋單淨流入烏水溝，還會流落𠊎个心肝肚，
摎親人个面容、番綻个童年、灶下个大鑊頭一項一項映出來。
難怪，看等河壩，總係會摎水流打嘴鼓，講等世世代代个故事，
分𠊎想愛翕加幾張真真个相片、寫加幾篇深深个感想，去上網打卡、分時間停跎一下，潗出歷史个長流水。
河壩毋係淨一種表情定定，有時恬靜、有時蠕蠕動、有時又無氣無脈，總係跈等天時變去變轉。
人个愁慮，乜會隨等河壩水浮上浮下，還會對燥溓个田溝水壢浮出來，
一直愛望到秋霖夜雨涿下來，水落到該坵心頭田，正有好定貼。
田有蔭、秧有蒔、禾串有黃，係逐年共樣个行程，連禾鷝仔乜知幾時愛來落田，
係講毋堵好，該耕種人斯有好臥頭看天公、敨大氣了哪！
仰有好㧡轉淰黃个穀擔，仰有好開容笑面！
人想變、又會變，敢做得望天時毋會變？毋好恁私心好無！
其實，天時會變面，還毋係因為人類過度開發地球資源！
所以，惜自家，同時乜愛記得惜河壩、惜天公，該心頭田正會順序，收冬戲上棚正會歡喜！
1
該條鏡鮮个河壩，識流過先輩个年代，毋單淨流入烏水溝，還會流落𠊎个心肝肚，
2
摎親人个面容、番綻个童年、灶下个大鑊頭一項一項映出來。
3
難怪，看等河壩，總係會摎水流打嘴鼓，講等世世代代个故事，
4
分𠊎想愛翕加幾張真真个相片、寫加幾篇深深个感想，去上網打卡、分時間停跎一下，潗出歷史个長流水。
5
河壩毋係淨一種表情定定，有時恬靜、有時蠕蠕動、有時又無氣無脈，總係跈等天時變去變轉。
6
人个愁慮，乜會隨等河壩水浮上浮下，還會對燥溓个田溝水壢浮出來，
7
一直愛望到秋霖夜雨涿下來，水落到該坵心頭田，正有好定貼。
8
田有蔭、秧有蒔、禾串有黃，係逐年共樣个行程，連禾鷝仔乜知幾時愛來落田，
9
係講毋堵好，該耕種人斯有好臥頭看天公、敨大氣了哪！
10
仰有好㧡轉淰黃个穀擔，仰有好開容笑面！
11
人想變、又會變，敢做得望天時毋會變？毋好恁私心好無！
12
其實，天時會變面，還毋係因為人類過度開發地球資源！
13
所以，惜自家，同時乜愛記得惜河壩、惜天公，該心頭田正會順序，收冬戲上棚正會歡喜！
反白課文內字詞查詢意義
資料提供
發音
意義
衍伸詞
學習活動三
/
（二）隨堂演練一
依題目進行討論
河壩在文本肚毋單淨係一個自然景觀，還象徵時間个消失、歷史个傳承還有人摎人之間个情感。請問文本肚河壩無共樣个表情（比將講：恬靜、蠕蠕動、殗殗）反映了人類哪兜情感變化？
( 自由發揮 )
試愐啊，文本肚「心肝頭个田」這個意象个象徵意義係麼个？文章肚講著个「定貼」又代表作者對生活可能有仰般个追求？
( 自由發揮 )
講看啊作者在文本最尾講著人類做毋得忒自私，過度開發地球資源，表達个又係一種仰般个概念？
( 自由發揮 )
學習活動三
/
（三）隨堂演練二
點選「答客問 開放式問題」按鈕，請學生掃描 QR code 或至網站首頁的學習
教材客堂輸入邀請碼，老師點擊「開始客堂」即可進入本次問答。
請小組利用行動研究个模組，先觀察人類个哪兜活動對河流生態造成了影響？試愐啊，河壩在社區肚有哪兜功能，過再根據現下保護河壩个法律摎政策來計劃改進，未來有哪兜新个技術摎方法做得用來保護河壩？請各組寫出你兜決定个行動方案。
題目1：
題目2：
(2)決定个行動方案
學習活動三
/
總結回饋一
學習活動三
/
總結回饋二
學習活動三
/
總結回饋三
1
/
1