目前腔調:
顯示模式
行讀客家文化
回到選修學分4
學習活動三 / (一)客文欣賞
可選擇「整課模式」及「逐句模式」瀏覽,並提供音檔聆聽; 點擊課文內藍字可查看語詞拼音、釋義。

阿水:阿華,遽來看!這頂紅眠床,吾公老屋該位乜有一頂呢!
還有這大灶頭粄印⋯⋯哇,還生趣哦!無想著這曾屋个忠恕堂裡肚,有恁多客家文物。

阿華:係啊,行一輪𠊎正知,原來𫣆客家文化竟然恁豐富。

阿水:看這兜保存个文物、伙房个建築,𠊎想當初時這伙房屋人定著當湛斗

阿華:嗯,係慶人正著。等下𫣆來去另一片橫屋該位看影片,裡肚有紹介這曾屋个根源。

阿水:這影片拍來已有心哦!連頭擺莊下生活个微末事,都清清楚楚。
過對照壁項个老相片,𫣆像行入老頭擺去咧!

阿華:係哦!哆啦A夢載𫣆轉到阿太个年代。
看,正身个祖公牌同「姑婆牌」放共下,係已有意義个做法哦!

阿水:祖公庇蔭在世个親人,同時也照顧脣項這兜過身了,無偎凴个姑婆儕,實在已有意思。

阿華:嗯,在這項感受得著,客人對祖先个感念同傳承个重視。

阿水:欸,你有注意聽該兜老輩人講个故事無?
佢兜講著曾屋來臺祖个硬頸、忠義,還過對鄉親个體恤,這兜珍貴个客家精神,佢兜講來已徹底哦!

阿華:係啊,這擺个參訪,分𠊎對客人个生活同文化更加了解咧,𫣆係毋係愛同別人分享呢?

阿水:著,𫣆做得將學習成果整理做網站,分還較多人來了解過尊重客家文化。

阿華:該恁呢𫣆一方面做得記錄學習成果,
另外恁珍貴个客家文物同手藝,還做得更加大眾化,得著還較多个傳承同保護。

阿水:無毋著,為著客家,𫣆共下來打拚
1
阿水:阿華,遽來看!這頂紅眠床,吾公老屋該位乜有一頂呢!
2
還有這大灶頭粄印⋯⋯哇,還生趣哦!無想著這曾屋个忠恕堂裡肚,有恁多客家文物。
3
阿華:係啊,行一輪𠊎正知,原來𫣆客家文化竟然恁豐富。
4
阿水:看這兜保存个文物、伙房个建築,𠊎想當初時這伙房屋人定著當湛斗
5
阿華:嗯,係慶人正著。等下𫣆來去另一片橫屋該位看影片,裡肚有紹介這曾屋个根源。
6
阿水:這影片拍來已有心哦!連頭擺莊下生活个微末事,都清清楚楚。
7
過對照壁項个老相片,𫣆像行入老頭擺去咧!
8
阿華:係哦!哆啦A夢載𫣆轉到阿太个年代。
9
看,正身个祖公牌同「姑婆牌」放共下,係已有意義个做法哦!
10
阿水:祖公庇蔭在世个親人,同時也照顧脣項這兜過身了,無偎凴个姑婆儕,實在已有意思。
11
阿華:嗯,在這項感受得著,客人對祖先个感念同傳承个重視。
12
阿水:欸,你有注意聽該兜老輩人講个故事無?
13
佢兜講著曾屋來臺祖个硬頸、忠義,還過對鄉親个體恤,這兜珍貴个客家精神,佢兜講來已徹底哦!
14
阿華:係啊,這擺个參訪,分𠊎對客人个生活同文化更加了解咧,𫣆係毋係愛同別人分享呢?
15
阿水:著,𫣆做得將學習成果整理做網站,分還較多人來了解過尊重客家文化。
16
阿華:該恁呢𫣆一方面做得記錄學習成果,
17
另外恁珍貴个客家文物同手藝,還做得更加大眾化,得著還較多个傳承同保護。
18
阿水:無毋著,為著客家,𫣆共下來打拚
反白課文內字詞查詢意義
資料提供
發音
意義
衍伸詞
學習活動三 / (二)隨堂演練一-1
以拖曳或點擊方式選出正確答案。

阿水在忠恕堂肚看著了哪兜客家文物?

請將符合的選項放進來
提交答案 再試一次
紅眠床、灶頭、粄印
紅眠床、竹編、陶藝
紅眠床、灶頭、客家美食
灶頭、粄印、客家衫褲

阿水認為建造伙房个人係恁樣个?

請將符合的選項放進來
提交答案 再試一次
當優秀
當普通
當懶尸
當儘採
學習活動三 / (二)隨堂演練一-2
依題目進行討論

文章肚紹介了曾姓家族忠恕堂个來源,恁樣个歷史紹介對現下个客家人有麼个意義?
( 自由發揮 )

阿華摎阿水決定將參訪个學習成果整理建置網站,恁樣个做法有麼个優點摎挑戰?
( 自由發揮 )
學習活動三 / 三、妙筆生花
試做一篇客語短文,並將文字輸入於下方欄位。
請設計製造客家文化手冊展示過送分同學,來增進對客家文化个了解。
▼任務說明:
(1)手冊內容設計:學生仔分組設計手冊个內容,包涵客家語言、建築、食雜、音樂、節慶這兜方面,撰寫華、客兩種文字說明,過配合圖片摎插圖。
(2)手冊製造:學生仔分組將整理好个內容做成手冊,紙本抑係電子版。
(3)手冊分享:設計推廣宣傳客家个方式,將做好个手冊分發分同學抑係在學校圖書館展示,分較多个人了解客家文化。
(4)手冊文字解說,做得參考、運用關鍵字摎句型。
▼句型:
(1)做得……,還做得……。
關鍵字
大灶頭 粄印 在世 無偎凴 老輩人 已徹底 打拚
學習活動三 / 總結回饋一
老師引導學生回顧與總結本單元重點。
學習活動三 / 總結回饋二
老師說明線上教材自學專區使用方式。
學習活動三 / 總結回饋三
老師引導學生珍視自己的客家文化,鼓勵學生有機會要進一步認識客家文物,但首先要好好學習客家語言,透過語言文字去了解並記錄族群的文化,為保存我們的歷史傳統打底,才有創新客家的可能。
1
/
1